مشروع الحي

مشروع الحي

بواسطة: محمد عماد صالح

افترضاً في كل شارع في المنطقه فيه 15 بيت وقطعتين فاضيات مساحه 300 متر ب الزبط

كل بيت ف ال15 بيت دا بشتري يوميا لبن وبيض يوميا بي 70 جنيه

50 جنيه رطلين لبن حاليا

20جنيه اربعه بيضات

علي حسب استطاعه الاسره في اكتر وفي اقل كمان نمسك ال70 كحد متوسط للاسر

يوميا ولمده 365 يوم ف السنه انت بتصرف 70 جنيه 70×365= 25،550

لمده تلاته سنين =76،650

انت متخيل معاي دي كلها منصرفات مفروضه علي الاسر وقد تكون من الضروريات في كل بيت؟

طيب انا اقدر احل الموضوع دا كيف وخصوصا في اسر ما بتقدر للحاجات دي

نبدا كيف

قبيل قلت ليكم لو كل اسره ف الحي في قطعتين فاضيات كده ممكن نستاذن سيدها ونوريه دايرين نعمل شنو كل اسره لمده سنه تدفع مبلغ 8 الف جنيه

حيرحب ب الفكره جداا صدقوني..

اها المشروع شنو

واول الخطوات شنو..

نطرح فكره (مشروع الحي)

ونوري الحي فهمنا شنو وليه نعمل كده

وحنتعب ف البدايه بس حنرتاح جدا لمده طويله شديده

نبدا بي حسابات الخام

كل اسره لمده سنه تدفع مبلغ 8 الف جنيه

بقصد الفين جنيه كل اسره ف التلات شهور

عارفه عصره بس صدقوني الفايده قدام شديد

8 عدد المبلغ ×15عدد الاسر الفي الحي =120 الف جنيه

افترضا البقره بي 30 الف جنيه

120/30 = 4

4 بقرات بس

افتراضا كل بقره بتجيب 10 رطل يوميا

10 x 4 = 40

40÷15=2.5 رطل يوميا لكل اسره ف الحي

ال 2،5 دي بتعادل بي الزبط قول 50 جنيه بس

50×365 عدد ايام السنه =18.250 الف جنيه

انت متخيل معاي؟؟

ال 18.250 - 8 دي مساهمتك في شراء الابقار =10ِ.250

ال 10.250 دا مبلغ توفيرك السنوي ب نسبه الصرف السنوي بتاعك ف اللبن بس

المبلغ دا كفيل إنك تستخدمو ف حاجه مفيده جدا..

مشروع الدواجن

نجي للحاجه التانيه الهيا.. البيض واللحوم البيضاء الدجاج مثلا

مطلوبات للمشروعات الدايماً بنبدي بيها مثلا

1 محميه طبيعيه للدوجان

2مراعاه الحاله الصحيه للدواجن

3 مستلزمات الدواجن (علف.. حب.. زره.... الخ)

نبدا بي طريقه الدفع المسبقه

اي بيت مبلغ 4 الف جنيه

4×15=60الف جنيه

المحميه الطبيعيه بي 30 الف جنيهه.

حيفضل 30 الف بافي

الدجاجه الواحده الصحيه بي مبلغ 300 جنيه

افتراضاً الدجاجه الواحده بتجيب 5 بيضات كل ثلاث يوم

5×15=75بيضه

اسبوعياً بتجيب حكايه 150 بيضه

كل اسره 10 بيضات

مثلا كل يوم انت بتشتري بيض بي 10 جنيه

10×30=300

10×365=3.650 الف جنيه سنويا

قروش صاح

بعد مرور 3 اشهر مع عمليه التكاثر اصبح لدينا 45 دجاجه

45 دجاجه ×5 عدد انتاج البيض 1 الفردي لكل دجاجه

خلال 3 ايام ×6 عدد ايام الاسبوع =450 بيضه اسبوعياً

450÷15=30. 30 بيضه لكل اسره اسبوعيا

30_10=20 بيضه

لكل اسر خصم عدد 10 بيضات المصروفات

10×5=750 جنيه اسبوعيا

750 دي مصروف الاكل الاسبوعي للدجاج

كل اسره ف نهايه المشررع دفعت 12 الف جنيه جنيه كانت مساهمه ف الدواجن والابقار

اتخيل يا مواطن يا سوداني انك بتصرف كل يوم 60 جنيه

بيض بي 10 جنيه

لبن بي 50 جنيه رطلين

60×365=21.900

21.900-12.000=9.900

دا توفيرك السنوي من المنصرفات الضروريه للاسره

المبلغ دا بحل كتير من الحاجات ف الاسر

تعالو اوريكم فوائد المشروع دا
1. لبن طبيعي من البقره للمستهلك خالي مويه خالي تلوث
2.بيض طبيعي جدا من دجاج طبيعي خالي حقن او اي مواد تسمين
3. توفير المنصرفات اليوميه لكل الاسر السودانيه بمبلغ 60 جنيه او اكتر ف اليوم الواحد
4. مع مرور الزمن وتكاثر الابقار والدجاج ندل احتمالية الاستفاده من اللحوم البيضاء والحمراء ومجاني لاهل الحي
5. الاكتفاء الزاتي لكل حي من اللبن ومشتاقته والبيض

1. لبن طبيعي من البقره للمستهلك خالي مويه خالي تلوث

2.بيض طبيعي جدا من دجاج طبيعي خالي حقن او اي مواد تسمين

تخيل كل حي عندو الحكايه دي

تاني البمشي السوق منو

اها ناس المزارع يودي واللبن والبيض وين؟

طوالي يطلع الصادر منتجات مصنعه ما مواد خام

بعد الاكتفاء الذاتي للعائلات والأحياء. وينعكس ذلك في رخص المعيشة كمدخلات.
1. صحة
2. تعليم
3. رخص المعيشة

وهذا يعني أن لدينا كمية كبيرة من التصدير وما زالت عائلات السودان تحتوي على حليب وبيض يكفيها ، وهذا سيجعل العائلات تنفق أموالًا أقل من الأموال التي أنفقتها في الماضي.

ودة الحيساعد بلدنا ومجتمعنا ينمو

الخطط الصحيحة بتخلينا نمشي لي قدام

وما تنسو اي مترين قدام بيتكك ازرعوهك خضار الطماطم.. العجور... الفجل... الجرجير... البصل..

وتبادلهم بين العائلات

البيوت التانيه ازرعو لينا الفواكه

وننتظرها لحدي ما تبقى فاكهة

منو الحيجوع؟

منو الحيعطش؟

منو الحيمرض؟

نباتاتنا كويسة جدا لزراعتنا

وبنمشي لي قدام منها.

مستجدات: مزرعه ابقار (حليب)
دراسه جدوي مبدئيه
الاحتياجات الضروريه+التكاليف الاوليه +الانتاج
أ-الاحتيجات الضروريه
١ ابقار عاليه الانتاج
٢ مزرعه جيده التهويه وقريبه من المدينه لتسهيل عمليه النقل
٣ اعلاف جيده النوع لانتاج كميات جيده من اللبن (علف بابكر)افضل الانواع من راي المزارعين
٤ قش او برسيم
٥ حارس
٦ حلاب

التكاليف الاولية:

١ سعر البقره الفريزين يتراوح من ١١٠الف جنيه الي ١٤٠ علي حسب انتاج الحليب في اليوم
اذا كنت ترغب في عائد مادي مجزي وانت تمتلك راس المال جيد فعليك بي اجود انواع الابقار لكي تضمن الربح الوفير تكلفه ٤ ابقار جيدا الانتاج =٤٥٠٠الي ٥٠٠٠
٢ ان لم تمتلك ارض خاصه للمزعه يمكن انت تستاجر مزرعه بي اسعار تتراوح من ٥الف في الشهر الي ٧ حسب عدد الابقار
٣ العلف سعر الجوال الواحد =٢الف متوسط استهلاك ٤ ابقار في الاسبوع نحو ١ جوال =استهلاك اربعه جوالات في الشهر = ٨الف
٤ الحارس (غفير ) يتم تحديد السعر بعد الاتفاق ويحاسب كل نهايه شهر ويشترط ان يكون شخص امين ويعتمد عليه

٥ استهلاك ٤ ابقار من القش = ٥ الف
٦ الحلاب يتم تحديد السعر بعد الاتفاق وغالبا يتراوح السعر من ٥ الي ٦ الف في الشهر ويشترط ان يكون خبيرا بي الابقار

ج. الانتاج
تكلفه الرطل الواحد من الحليب =٣٠ جنيه من المزرعه
اذا انتاج البقره الواحده تمنتين(١٦رطل) في الصباح والمساء يكون عندك ٣٢ رطل من الحليب في اليوم الواحد =٣٢×٤=١٢٤ رطل في اليوم
١٢٤ ×٣٠سعر الرطل الواحد =٣٧٥٠جنيه في اليوم
=٣٧٥٠ ×٣٠حساب الشهر =١١١٦٠٠جنيه
تخصم منها خسائر الشهر وتستخرج صافي ربحك